Pado satu hari bojalan poi pokan
Barang dapur habis budak kocik mintak makan
Walau takdo dayo tapi totap mengiyokan
Kok nanti kebulo awak jugak disalahkan
Dan dalam pojalanan tojumpo kawan lamo
Lamo tak bersuo botahun dah tak jumpo
Kawan ajak minam banyak yang nak dicorito
Sompek bughak panjang tak comburu dek maso
Kawan tu kojo komen, kawan ni kojo pomen
Kojo bancuh simen ado yang jual insurans
Ado yang sedio kayo tapi budi baso miskin
Bughak pasal urang diri sendiri jangan bising
Bilo sedara ngaku sepusat sepusing
Maghin maso susah takdo sapo ambik pusing
Kisah poi pokan sampai lupo yang lain
Sebelum keluar rumah jangan lupo mintak izin
Poi pokan naik basika
Tongahari, tongah paneh
Apo dayo motong gotah
Apo nak dikati
Kalau buleh nak jadi cikgu sekolah kek Kuala Pilah
Sawah leba kobau banyak
Air pigi sojuk sekali
Sunyi sopi takdo orang
Apo nak dikato
Kalau boleh nak bising-bising macam pokan Tampin
Tanak nasik bogheh kampong
Masak lomak cili api
Mesen padi takdo laie
Apo nak dikato
Ramai oghang dah kojo kilang kek pokan Soromban
(bukan pokan laie tu doh, dah jadi bandar)
Soromban duo banyak mat saleh
Kito boleh monorimo zaman dah canggih
Pompuan ramai boli bolah santai
Agak hangek elok mandi sungai
Kek ulu bondo bomandi mando
Kok beghani masuk taman ular sawo
Goma kan aktiviti panjek gunung angsi
Lubang tanah sombunyi kono hati-hati
Mano sajo ekau poie
Jalan sano sinun sampai sakit kaki
Buek lagu bukan skadar untuk anak nogoghi
Untuk yang hati mudo api tak padam laie
Kuek bokojo jangan mintak cuti
Elok jalan jauh ko luar nogoghi
Nampak pobezaan kolobihan kokurangan
Lahir raso syukur menjadi anak watan
Batu Ompek Toluk Komang
Tompek oghang mandi mando
Hari minggu ponoh sosak
Apo nak dikato
Air laut bertambah masin kek pantai Port Dickson
No comments:
Post a Comment